Korrupsioner

Hadisələr 2012-ci il Yay Olimpiya Oyunları ərəfəsində Londonda cərəyan edir. Həbsdən yeni çıxan Liam ailəsinin inamını və sevgisini bərpa etməyə çalışır. Vaxtilə o, yüksək vəzifəli məmurlar və siyasətçilərlə əlaqəsi olan cinayətkar sindikat rəhbəri Klifford Kallenin ucbatından dəmir barmaqlıqlar arxasına düşmüşdü.

Səhvlərini düzəltmək istəyən gənc yenidən təhlükəli cinayət intriqalarının içinə çəkilir. Bu şəbəkədən xilas olmaq heç də asan görünməsə də, Liam öz azadlığı və ailəsi naminə bütün imkanlarını səfərbər edir.

Böyük Britaniya istehsalı olan «The Corrupted» filmi 2019-cu ildə rejissor Ron Skalpello tərəfindən çəkilib. Ekran əsərində əsas rolları Şon Duli, Devid Heyman, Don Jilet və Kirsti Hoyles canlandırıblar.