Qatillər milləti

Yuxarı sinif şagirdi Lili və onun üç yaxın rəfiqəsi günlərini sosial şəbəkələrdə, mesajlaşmalarda və əyləncə gecələrində keçirirlər. Şəxsi həyatları telefon ekranlarından ibarət olan bu qızların gündəmi Salem şəhərində naməlum hakerin peyda olması ilə dəyişir. Kiberhücumçu ailə dəyərlərindən danışan şəhər merinin gizli məlumatlarını və şəkillərini hamıya yayır. Rəzalətə dözməyən mer mətbuat konfransında həyatına son qoyur.

Bununla belə, haker fəaliyyətini dayandırmır və yerli məktəb direktorunun şəxsi sirlərini də ictimaiyyətə açır. Çox keçmədən şəhərin demək olar ki, bütün sakinlərinin məlumatları internetə sızır və küçələrdə xaos yaranır. Lili və dostları kütləvi qəzəbin və üzə çıxan sirlərin yaratdığı təhlükə ilə üz-üzə qalırlar.

Rejissor Sem Levinson tərəfindən lentə alınan «Assassination Nation» filmi komediya elementləri olan kriminal dram və trillerdir. ABŞ və Kanada istehsalı olan bu layihə 2018-ci ildə ekranlara çıxıb. Əsas rolları Lens E. Nikols, Co Krest, Steysi Devis və Ceff Poup canlandırıblar.