Təyyarədə ilanlar

Honoluluda yaşayan Şon adlı gənc təsadüfən prokurorun qətlə yetirilməsinin şahidi olur. Bu cinayətin arxasında qanqster Eddi Kim dayanır. Çox keçmədən qatillər Şonun izinə düşür, lakin FTB agenti Nevill Flinn vaxtında köməyə çataraq gənci ölümdən qurtarır. Agent şahidi qanqsterə qarşı məhkəmədə ifadə vermək üçün Los-Ancelesə uçmağa razı salır.

Cinayətkar dəstə rəhbəri bu təhlükəli şahidin sağ qalmasını istəmir və onu havada məhv etmək üçün təyyarəyə çoxlu zəhərli ilan yerləşdirir. Uçuş zamanı azadlığa çıxan sürünənlər salonda olan insanlara hücum etməyə başlayır. Hava gəmisində olan hər kəs zəhərli canlılarla üz-üzə qalır.

«Təyyarədə ilanlar» (Snakes on a Plane) filmi rejissor Devid R. Ellis tərəfindən lentə alınıb. ABŞ, Kanada və Almaniya istehsalı olan bu 2006-cı il cinayət trillerində Kəndis Makalino, Stiven Vayz, Kristofer Baçman və Cek di Blasio kimi aktyorlar çəkiliblər.