Diler

London küçələrində qanunsuz maddələrin satışı ilə məşğul olan Frenk öz işini qaydasında aparırdı. Həbsxanadan tanıdığı köhnə yoldaşı ilə növbəti sövdələşmə isə uğursuzluqla nəticələnir. Frenk polis tərəfindən saxlanılır, lakin heç bir sübut tapılmadığı üçün sərbəst buraxılır.

Azadlığa çıxsa da, onun çətinlikləri bununla bitmir. Əsas təchizatçı Milo Frenkdən əlli beş min funt sterlinq məbləğində borcunu dərhal qaytarmağı tələb edir. Vaxt çox azdır, lazımi məbləği toplamaq üçün isə Frenkin heç bir etibarlı mənbəyi qalmayıb.

Böyük Britaniya istehsalı olan «Pusher» («Diler») filmi 2012-ci ildə ekranlara çıxıb. Triller janrında çəkilmiş bu ekran əsərinin rejissoru Luis Prietodur, əsas rolları isə Badria Timimi, Cydney Uffindell-Phillips, Deyzi Lyuis və Riçard Şanks canlandırıb.