Bədnam

Gənc cütlük asan yolla pul qazanmaq üçün soyğunçuluq etmək qərarına gəlir. Lakin adi cinayətlər onların ambisiyalarını təmin etmir. Şöhrət arxasınca qaçan qəhrəmanlar törətdikləri əməlləri lentə alaraq sosial şəbəkələrdə paylaşmağa başlayırlar.

İnternetdə artan diqqət və virtual məşhurluq onların həyatını tamamilə dəyişir. Bununla belə, hər addımını ictimaiyyətə nümayiş etdirən cütlüyün bu qayğısız və təhlükəli günləri uzun çəkə bilməz. Qanunsuz hərəkətlər tədricən öz ağır nəticələrini göstərməyə başlayır.

"Bədnam" (Infamous) filmi 2020-ci ildə ABŞ-da rejissor Coşua Kolduell tərəfindən ekranlaşdırılıb. Kriminal melodram janrında olan filmin əsas rollarında Bella Torn, Maykl Sirou, Deymon Karni və Meqqi MakKlür çəkiliblər.