Tanrının şəhəri

Rio-de-Janeyronun ən təhlükəli gecəqondularında böyüyən Raketa, Balaca Fişka və Benni uşaqlıqdan bəri küçələrdəki qarətlərin şahidi olurlar. Ətrafdakı zorakılıq mühiti tədricən bu üç yeniyetməni də öz təsiri altına alır.

İllər keçdikcə onların hər biri fərqli bir istiqamət seçir. Fişka adını Balaca Ze olaraq dəyişərək bütün məhəlləni qorxu altında saxlayan nüfuzlu narkobaron səviyyəsinə yüksəlir, Benni isə cinayət aləmindən yorulsa da, onun sağ əli olmağa davam edir. Yalnız Raketa cinayətlərdən uzaq durmağı bacarır; o, fotoqraf olmaq arzusu ilə küçələrdə baş verən qanlı toqquşmaları kamerası ilə qeydə alır.

2002-ci ildə nümayiş olunan «Tanrının şəhəri» filmi Braziliya və Fransa kinematoqrafçılarının ortaq dram və kriminal layihəsidir. Ekran əsərinin quruluşçu rejissorları Fernandu Meyrelliș və Katya Lund, baş rol ifaçıları isə Aleșandre Rodrigis, Leandru Firminu, Fellipe Haaqensen və Duqlas Silvadır. Film BBC tərəfindən XXI əsrin ən yaxşı 100 filmi siyahısına salınıb.