Tələdə

Meqqi yeniyetmə qızı ilə birgə ucuz moteldə qalır və ailəsini dolandırmaq üçün ağır günlər keçirir. Qadın anbar kompleksində çalışır və gündəlik qayğılarla mübarizə aparır. Lakin növbəti iş günlərinin birində ana və bala təsadüfən rəhbərliklə iki cinayətkar arasında baş tutan şübhəli görüşə şahidlik edirlər.

Silahlı quldurlar saxlancların birində gizlədilmiş oğurluq almazların ardınca gəliblər. Görüşün ifşa olunduğunu anlayan təhlükəli cinayətkarlar arzuolunmaz şahidləri aradan qaldırmağa çalışırlar. Ana isə qəddar qatillərin əhatəsində qızını qorumaq və bu qapalı məkandan sağ çıxmaq məcburiyyətində qalır.

2021-ci il istehsalı olan «Tələdə» (Locked In) filmi ABŞ kinematoqrafçıları tərəfindən dram və cinayət trilleri janrında çəkilib. Ekran işinin rejissoru Karlos V. Qutyerresdir, əsas rolları isə Caspar Poliş, Menni Peres, Kostas Mendilor və Ceyms Biberi canlandırıb.