Kimi

Angela güclü aqorafobiya səbəbindən mənzilindən kənara çıxmayaraq evdən çalışır və ümumi karantin rejimi onun bu vəziyyətini daha da çətinləşdirir. Gənc qadın "Kimi" adlı səsli köməkçinin səhv cavablarını araşdırıb qeydləri təhlil edir. Növbəti səs faylını dinləyərkən o, arxa planda baş verən qəfil mübarizə və boğuşma səslərini eşidir.

Səsi təmizləyib aydınlaşdıran Angela bir qadına qarşı zorakılıq törədildiyinə dair faktlar əldə edir. Məsələni daha dərindən araşdırmaq istəyən qəhrəman həmin istifadəçinin cihazından digər səs yazılarını əldə etmək üçün həmkarından kömək istəyir.

2021-ci il istehsalı olan bu cinayət trilleri rejissor Stiven Soderberq tərəfindən çəkilib. Film ABŞ istehsalıdır və əsas rolları Zoi Kravits, Devid Ueyn, Devin Retrey və Beka Sixarulidze ifa edirlər.