Henrinin cinayəti

Henrinin günləri tamamilə sakit keçirdi: o, yolda yerləşən xüsusi köşkdə sürücülərdən rüsum toplayırdı. Şübhəli bir tanışının xahişi ilə Baffalodakı mərkəzi bankın qarşısında maşında gözləməsi onun bütün həyatını alt-üst edir. Nəticədə Henri törətmədiyi soyğunda əsassız yerə günahlandırılır və üç il müddətinə həbsxanaya göndərilir.

Günahsız yerə cəza çəkən Henri azadlığa çıxdıqdan sonra həmin bankın qarşısına yenidən qayıtmaq qərarına gəlir. O, artıq cəzasını çəkdiyi həmin cinayəti bu dəfə həqiqətən törətmək və öz payını götürmək niyyətindədir.

ABŞ istehsalı olan «Henry's Crime» filmi 2011-ci ildə ekranlara çıxıb. Kriminal komediya və melodram janrlarını birləşdirən layihənin rejissoru Malkolm Venvilldir. Əsas rollarda Piter Eppel, Ceyms Hindmen, Drü MakVeti və Cozef Basile çəkiliblər.