Müşahidəçi

Frensisin işdə vəzifəsi yüksəldikdən sonra o, xanımı Culiya ilə birlikdə Nyu-Yorkdan Buxarestə köçür. Əri bütün günü işdə vaxt keçirdiyi üçün gənc qadın yad şəhərdə tək qalır. Yerli dili bilməməsi və heç bir tanışının olmaması səbəbindən o, yeni mühitdə özünü çox narahat hiss edir.

Tənhalıq içində olan Culiyanı qısa müddətdə qorxulu şübhələr bürüyür. O, qarşıdakı binanın pəncərəsində yaşayan qonşunun diqqətini çəkdiyini və həmin şəxsin onu addım-addım izlədiyini düşünməyə başlayır.

ABŞ istehsalı olan «Müşahidəçi» (Watcher) triller filmi 2022-ci ildə ekranlara çıxıb. Rejissor Xloya Okunonun çəkdiyi ekran əsərində baş rolları Mayka Monro, Stefan Yanku, Gabriela Butuç və Yulian Nika canlandırıblar.