Qüsurlar

Ansel Rot vaxtilə insan psixologiyası və şüura nəzarət sahəsində tanınmış mütəxəssis idi, hətta bir neçə kitab da yazmışdı. Lakin sonuncu uğursuz işi onu müflis edir və o, ən ucuz yeməkxanada belə hesab ödəməyə pul tapmadığı ağır maliyyə böhranına düşür.

Bir gün onun yanına Kler adlı gənc qızın valideynləri kömək üçün gəlir. Onlar qızlarının «Qüsurlar» adlı sektaya düşdüyünü və təhlükə ilə üzləşdiyini bildirərək, heç kimi dinləməyən qızlarını xilas etməyi xahiş edirlər. Pula ehtiyacı olan Ansel bu təklifi qəbul edir, lakin düşəcəyi vəziyyətin ağırlığını əvvəlcədən təxmin edə bilmir.

ABŞ istehsalı olan bu psixoloji triller və cinayət dramı 2013-cü ildə işıq üzü görüb. Rejissor Rayli Sternsin çəkdiyi «Faults» filmində Syuzan Everitt, Amanda Sonders, Deyv Conson və Nikolas Tuççi çəkiliblər.