Qara pişik, ağ pişik

Şübhəli işlər vasitəsilə böyük var-dövlət qazanmış iki nüfuzlu qaraçı baronunun yolları uzun illər əvvəl ayrılıb. Düz iyirmi beş il bir-birini görməsələr də, onlar arasındakı səmimi dostluq və qarşılıqlı hörmət toxunulmaz qalıb.

Səksən yaşını çoxdan geridə qoymuş qocalar üçün rahat günlər gəlib çatmır. «Crna mačka, beli mačor» filminin qəhrəmanları öz çoxsaylı törəmələrinin törətdiyi qarışıq və dolaşıq macəraları yoluna qoymaq məcburiyyətində qalırlar.

1998-ci ildə nümayiş olunan bu kriminal komediyanı rejissor Emir Kusturitsa lentə alıb. Almaniya, Fransa, Avstriya, Yunanıstan və Yuqoslaviya istehsalı olan layihədə baş rolları Bayram Severcan, Srdan Todoroviç, Branka Katiç və Floriyan Aydini ifa edirlər.