Orphan: First Kill

«Orphan: First Kill» trillerindəki hadisələr 2007-ci ildə cərəyan edir. Lina adlı otuz bir yaşlı qadın Estoniyadakı psixiatriya xəstəxanasından qaçmağı bacarır. O, nadir xəstəliyi səbəbindən doqquz yaşlı uşaq kimi görünür. Azadlığa çıxan Lina itkin düşmüş uşaqlar arasından özünə bənzəyən zəngin ailənin qızını tapır və onun yerinə keçmək qərarına gəlir.

Beləliklə, o, illərdir axtarılan Ester kimi ABŞ-dakı varlı ailənin yanına qayıdır. Doğmaları möcüzə nəticəsində tapılan qızlarını böyük sevinclə qarşılayırlar. Saxta qız yeni «valideynləri» və «böyük qardaşı» ilə birlikdə yaşamağa başlayaraq əsl kimliyini gizlədir.

ABŞ və Kanada istehsalı olan bu filmin rejissoru Uilyam Brent Belldir. Baş rolları İzabel Furman, Culiya Staylz, Kristen Savatski və Loren Kokreyn ifa ediblər.