Oğrudan necə oğurlamalı

Yağışlı bir səhər maskalanmış altı silahlı şəxs Valensiyadakı bank filialına basqın təşkil edir. Uruqvaylı ləqəbli cinayətkarın başçılıq etdiyi dəstənin aydın bir planı var. Onlar mümkün qədər çox seyfi boşaltmağı və binanın ofislərindən birindən köhnə metro xəttinə qazılan yeraltı tunel vasitəsilə uzaqlaşmağı düşünürlər.

Lakin qarətin gedişində ortaya çıxan xırdalıqlar ölkənin yüksək vəzifəli dairələrini hərəkətə keçirir. Hadisələrin gözlənilməz istiqamət alması prezident administrasiyasının rəhbəri Ferranı dərhal araşdırmalara başlamağa və qəribə bir sirrlə üzləşməyə vadar edir.

«Cien años de perdón» filmi rejissor Daniel Kalparsora tərəfindən ekranlaşdırılıb. İspaniya, Argentina və Fransanın birgə istehsalı olan bu cinayət trilleri 2015-ci ildə təqdim edilib. Əsas rollarda Mariya Molins, Mikel Fernandes, Nani Ximenes və Karles Fransino çəkiliblər.