A Fork in the Road

Montana ştatının kimsəsiz yolunda patrul maşını qəzaya uğrayır və həbsdə olan Uill Karson üçün gözlənilməz qaçış fürsəti yaranır. Azadlığa can atan Uill gecələmək üçün yaxınlıqdakı fermalardan birinin tövləsində gizlənir. Lakin həmin vaxt evin sahibəsi Eypril gözlənilmədən bir nəfəri qətlə yetirir.

Hadisənin şahidi olan Uill bu vəziyyətdən öz xeyrinə istifadə etməyi təklif edir. O, meyiti gizlətməkdə qadına kömək etməyə razılaşır, bunun müqabilində isə Eypril onu yollardakı polis postlarından sağ-salamat keçirməlidir. Beləcə, iki qaçaq ortaq maraqlar naminə birlikdə hərəkət etmək məcburiyyətində qalır.

«A Fork in the Road» komediya və kriminal janrlarını birləşdirən ABŞ filmidir. Rejissor Cim Kauf tərəfindən çəkilən ekran işi 2010-cu ildə işıq üzü görüb. Baş rolları Saylas Ueyr Mitçell, Kari Vurer, Rik Overton və Antonio Lesse canlandırıblar.