Neapol piranyaları

Neapolun yoxsul məhəllələrində böyüyən gənclər cinayətkar aləmin zirvəsinə qalxmaq və şəhərin yeni sahibləri olmaq arzusuna düşürlər. «La paranza dei bambini» filminin gənc qəhrəmanları qısa müddətdə varlanmaq, bahalı geyimlər əldə etmək və nüfuz qazanmaq üçün dəstə halında birləşirlər.

Skuterlərdə küçələri dolaşan yeniyetmələr tədricən amansız silahlı qarşıdurmalara cəlb olunurlar. Hakimiyyət, pul və sevgi naminə onlar yoldaşlıq münasibətlərini atışmalarda sınaqdan keçirir, öz məqsədləri uğrunda həm öldürməyə, həm də ölməyə hazır olduqlarını göstərirlər.

2019-cu ildə İtaliyada istehsal olunmuş bu dramın rejissoru Klaudio Covannezidir. Əsas obrazları Françesko Di Napoli, Valentina Vannino, Luici Çiokka və Anyello Arena canlandırıblar.