Küy

Devid Ouen Nyu-Yorku çox sevsə də, şəhərin bitmək bilməyən səsləri onu tədricən dəli edir. Ətrafdakı gurultu onun diqqətini işə cəmləməsinə mane olur və gündəlik dincliyini əlindən alır. Qıcıqlandırıcı səslərdən xilas ola bilməyən Devid çıxış yolunu qəti addımlar atmaqda görür və qulaqbatırıcı siqnalizasiyaları susdurmaq üçün avtomobilləri sıradan çıxarmağa başlayır.

Özgə əmlakına zərər vurduğuna görə polis tərəfindən saxlanılan qəhrəman bölmədə bir sutka keçirir, lakin azadlığa çıxan kimi əməllərinə davam edir. Həyat yoldaşı onun psixoloji durumundan narahat olub yaşayış yerini dəyişmək qərarına gəlir. Ailənin birbaşa nəhəng meqapolisin mərkəzinə köçməsi isə Devidin şəhər səslərinə qarşı mübarizəsini daha da alovlandırır.

ABŞ istehsalı olan «Noise» filmi 2007-ci ildə rejissor Henri Bin tərəfindən ekranlaşdırılıb. Kriminal komediya və dram janrındakı ekran əsərində Liora Bariş, Bricet Moynahan, Qebriell Brennan və Stiv Qrinşteyn çəkiliblər.