Sükut

İyirmi üç il əvvəl qızmar bir yay günündə buğda zəmisində Pia adlı gənc qızın vəhşicəsinə qətlə yetirilmiş meyiti tapılır. İllər sonra, məhz həmin tarixdə on üç yaşlı bir yeniyetmə qəfil yoxa çıxır. Uşağın tərk edilmiş velosipedi vaxtilə qızın cəsədinin aşkarlandığı yerdə üzə çıxır.

Bu qorxunc bənzərlik keçmiş cinayətin yenidən araşdırılmasına səbəb olur. Təqaüddə olan keçmiş müstəntiq və onun gənc həmkarı hər iki hadisə arasındakı gizli bağı üzə çıxarmağa, bu cinayətlərin arxasındakı sirri çözməyə çalışırlar.

«Das letzte Schweigen» filmi 2010-cu ildə Almaniyada rejissor Baran bo Odar tərəfindən çəkilib. Kriminal dram və triller janrında olan bu ekran əsərində baş rolları Sebastyan Blomberq, Ulrix Tomsen, Hildeqard Şredter və Maykl Dorn canlandırıb.