Qırmızı otaqlar

Kelli-Ann fotomodel kimi çalışır və onlayn poker oynayaraq dolanır. Gənc qadının bütün diqqəti səs-küylü məhkəmə prosesinə yönəlib. Müttəhim kürsüsündə əyləşən Lüdovik Şevalye üç məktəbli qızın amansız qətlində və işgəncə görüntülərini qaranlıq internet şəbəkəsindəki xüsusi saytlarda yaymaqda ittiham olunur. Səhər iclaslarına düşmək istəyən Kelli-Ann gecələri küçədə növbədə keçirir.

Məhkəmə qarşısında o, özünün tam əksi olan emosional Klementin ilə tanış olur. Başqa şəhərdən cibində bir qəpiyi olmadan gələn bu qız müttəhimə rəğbət bəsləyir və onun tamamilə günahsız olduğuna inanır. Beləcə, fərqli baxışlara malik iki qadının yolları eyni cinayət işinin dinləmələrində kəsişir.

Kanada istehsalı olan «Les chambres rouges» kriminal dram filminin rejissoru Paskal Plantedir. Ekran əsəri 2023-cü ildə işıq üzü görüb. Əsas rolları Christophe Baril, Simon Bilodo, Raphaëlle Blanchette və Jérémie Bouchard canlandırıblar.