Kottec

Bəxti gətirməyən iki qardaş təhlükəli cinayətə əl ataraq tanınmış mafiya başçısının qızını qaçırırlar. Tələb etdikləri fidyəni almaq üçün onlar əsiri İngiltərənin kimsəsiz kənd yerində yerləşən köhnə bir evdə gizlətmək qərarına gəlirlər.

Lakin sadə görünən bu plan tezliklə tamamilə pozulur. Mafiozlar cinayətkarların izinə düşməyi bacarır, qaçırılan qız inadkar davranışı ilə hər şeyi çətinləşdirir, kottecin yaxınlığında yaşayan yerli fermer isə ağlını itirmiş biri çıxır.

Böyük Britaniya istehsalı olan «The Cottage» filmi 2008-ci ildə nümayiş olunub. Bu qara komediya və qorxu elementləri daşıyan trillerin rejissoru Pol Endrü Uilyamsdır, baş rolları isə Endi Serkis, Corciya Qrum, Conni Harris və İden Uotson canlandırıblar.