Saşa

Keçmiş Yuqoslaviya ərazisindən Almaniyaya köçən mühacir ailəsi oğlanlarından birinin evinə yerləşir. Evin kiçik oğlu Saşa istedadlı pianoçudur və konservatoriyaya qəbul imtahanına hazırlaşır. Anası onun böyük musiqiçi olmasını arzulasa da, gəncin fikri tamam başqa yerdədir. O, gizli hisslər bəslədiyi fortepiano müəllimi Qebhard Veberin şəhəri birdəfəlik tərk etmək qərarına görə sarsıntı keçirir.

Saşa sirrini yalnız skripkaçı rəfiqəsi Tsyao ilə bölüşə bilir. Homofob baxışları olan atasının qınağından qorxan gənc hər kəsin Tsyaonu onun sevgilisi kimi tanımasına göz yumur. Lakin bu kiçik yalan ailə daxilində münasibətləri qəlizləşdirir, çünki Saşanın qardaşı da həmin qıza aşiq olur və vəziyyət getdikcə nəzarətdən çıxır.

Rejissor Dennis Todoroviçin çəkdiyi «Saşa» filmi 2010-cu ildə Almaniyada istehsal olunub. Dram və komediya janrlarını birləşdirən ekran əsərində baş rolları Yu Fenq, Kristian Lessiak, Petra Nadolni və Rolf Berq canlandırıb.