Yaşıl otaq

Dörd nəfərdən ibarət pank qrupu köhnə mikroavtobusla Amerika yollarında qastrol səfərindədir. Təsadüfi məkanlarda çıxış edən musiqiçilər güclə dolanırlar. Günlərin bir günü onlara skinhedlərin qapalı icmasında yaxşı qonorar qarşılığında konsert vermək təklif olunur və gənclər bu dəvəti qəbul edirlər.

Konsert uğurla başa çatsa da, qrup üzvləri məkandan vaxtında ayrıla bilmirlər. Yaşıl divarlı qrim otağında baş verən qətlin təsadüfi şahidinə çevrilən ifaçılar dərhal qapalı məkanda tələyə düşürlər. Klub sahibləri bu cinayətin şahidlərini oradan sağ buraxmaq niyyətində deyillər.

«Yaşıl otaq» filmi 2015-ci ildə ABŞ-da rejissor Ceremi Solnye tərəfindən çəkilib. Bu cinayət trillerində əsas rolları İmocen Puts, Meyson Nayt, Odri Uolker və C. Devid Osborn canlandırıblar.