Haker

Ukraynadan Kanadaya köçən Aleksin ailəsi yeni ölkədə kəskin maddi çətinliklərlə üzləşir. Anasının bankdakı işindən əsassız qovulması isə gənci qisas almaq qərarına gətirib çıxarır. O, həm korrupsiyalaşmış maliyyəçiləri cəzalandırmaq, həm də ailəsinə pul qazandırmaq üçün kiber cinayət yolunu seçir.

Aleks qaranlıq DarkWeb təşkilatına qoşularaq qısa zamanda virtual fırıldaqçılığın sirlərini mənimsəyir və burada özünə ortaqlar tapır. Lakin ailəyə kömək məqsədilə başlayan bu addım tezliklə idarəolunmaz bir həvəsə çevrilir. Nəticədə gənc haker həm hökumət orqanlarının, həm də gizli cinayətkar şəbəkənin liderlərinin hədəfinə düşür.

Real hadisələr əsasında lentə alınan «Haker» filminin rejissoru Akan Satayevdir. 2014-cü ildə təqdim edilmiş bu kriminial triller ABŞ, Kanada, Qazaxıstan, Tailand və Honq-Konq kinematoqrafçılarının birgə əməyi ilə ərsəyə gəlib.