Daha yaxşı günlər

Yuxarı sinif şagirdi Çen Nyan bütün vaxtını mühüm buraxılış imtahanlarına hazırlaşmağa sərf edir. Təzyiqlərə dözməyərək həyatına son qoyan sinif yoldaşının ölümündən sonra qəddar həmyaşıdları hədəf olaraq Nyanı seçirlər. Anası daima uzaqda işlədiyi üçün köməksiz qalan qız bütün təhqirlərə dözərək yalnız dərslərinə diqqət yetirməyə çalışır.

Küçədə döyülən bir gəncə kömək etmək üçün polis çağırmaq istəyən Nyan özü də zərbələrlə üzləşir. Xilas etməyə çalışdığı həmin oğlan xırda cinayətlərlə məşğul olan kimsəsiz Syao Bey çıxır. Çətin günlər yaşayan bu iki gənc arasında dostluq yaranır və qız ondan məktəbdəki qəddar həmyaşıdlarından qorunmaq üçün kömək istəyir.

2019-cu ildə təqdim edilmiş «Daha yaxşı günlər» (Shao nian de ni) filmi Çin və Honq-Konq istehsalıdır. Rejissor Derek Tsanqın çəkdiyi bu dram filmində əsas rolları Çjou Dunyuy, Cekson İ, Yin Fan və Çjou Ye canlandırıblar.