Təqsirli

Uğurlu hüquqşünas Kallum Kreynin parlaq gələcəyi bir gecənin içində təhlükə altına düşür. Spirtli içkinin təsiri ilə yeni işçisinin cazibəsinə qapılan vəkil ağır bir xəta edir. Həmin qadın Kreyndən şikayət edəcəyini bildirərək onu zorlamada günahlandırır, ailəsini və iş həyatını darmadağın etməklə hədələyib şantaja əl atır.

Çıxılmaz vəziyyətdə qalan vəkil yaranmış böhrandan qurtulmaq üçün ən radikal addımı seçir. O, qadını birdəfəlik susdurmaq məqsədilə muzdlu qatillə razılaşır. Lakin qəfil baş verən təsadüflər və gözlənilməz hadisələr zənciri onun qurduğu planı alt-üst edir.

2000-ci ildə ABŞ, Böyük Britaniya və Kanadanın birgə istehsalı ilə çəkilmiş «Təqsirli» filmi gərgin kriminal dram janrındadır. Ekran əsərinin rejissoru Entoni Uoller həm də Qabriel Ənvər, Qevin Bur və Martin Evansla yanaşı əsas rollardan birini canlandırıb.