Veteran

İyirmi il boyunca muzdlu döyüşçü kimi vuruşan keçmiş hərbçi cəbhəni geridə qoyaraq dinc mühitə adaptasiya olmağa çalışır. Adi və sakit həyata qayıtmaq onun üçün müharibə meydanında keçirdiyi illərdən qat-qat çətin bir sınağa çevrilir.

Baş qəhrəman davranışlarını dəyişməli və ətrafındakı insanları dinləməyi öyrənməlidir. O, normal bir iş tapmaq, yeni qaydalarla yaşamaq və sevdiyi qadını yanında saxlamaq üçün vərdiş etdiyi hərbi reallıqlardan uzaqlaşmağa məcburdur.

«Veteran» filmi Çexiya istehsalıdır və 2020-ci ildə rejissor Yan Qrjebeyk tərəfindən lentə alınıb. Kriminal dram janrında olan ekran əsərində əsas obrazları Yana Musilova, Eva Bandor, Alena Antalova və İvo Kuçera canlandırıb.