Hava daşıyıcısı

Argentina istehsalı olan «La extorsión» («Hava daşıyıcısı») filmi təcrübəli mülki aviasiya pilotu Alexandro haqqındadır. Baş qəhrəmanın işində hər şey qaydasında gedir, evliliyi isə xoşbəxt görünür. Lakin illərdir heç kimə bildirmədiyi şəxsi sirləri onun keçmişində gizli qalmağa davam edir.

Bir gün milli kəşfiyyat əməkdaşları Alexandronu şantaj edərək təyyarədə şübhəli yük daşımağa məcbur edirlər. Əgər o, bu tələbi yerinə yetirməsə, gizlətdiyi faktlar üzə çıxacaq. Çıxılmaz vəziyyətə düşən pilot həm öz taleyini, həm də ətrafındakı insanların həyatını qorumaq üçün bu təhlükəli tapşırığı icra etməli olur.

Ekran əsərinin rejissoru Martino Saydelisdir. 2023-cü ilin triller janrlı filmində əsas obrazları Qilyermo Franselya, Andrea Fricerio, Alberto Ahaka və Xuan Karlos Lo Sasso canlandırıblar.