Bundan betəri nə ola bilərdi?

Peşəkar oğru Kevin dəbdəbəli əşyaları sevir və başqalarının hesabına yaşayır. Varlı iş adamı Maks Ferbenks isə heç bir prinsip tanımadan sərvət toplayan bir milyarderdir. Kevin sahibinin evdə olmadığını düşünərək Maksın sahildəki malikanəsinə daxil olur. Lakin ev sahibi gözəl bir qadınla birlikdə villadadır və çağırılan polis oğrunu dərhal saxlayır.

Həbs zamanı Maks qandallı oğrunun barmağındakı üzüyü çıxararaq onun özünə məxsus olduğunu iddia edir. Həmin üzük sevgilisindən hədiyyə olduğu üçün Kevin bu itki ilə barışmaq fikrində deyil. İki fırıldaqçı arasında başlayan qarşıdurma gözlənilməz və gülməli vəziyyətlərə yol açır.

ABŞ istehsalı olan «What's the Worst That Could Happen?» adlı kriminal komediya filmi 2001-ci ildə ekranlara çıxıb. Ekran əsərinin rejissoru Sem Vayzmandır. Əsas rolları Cimmi Flinn, Rebeka Aramini, Ana Qasteyer və Vilyam Fixtner canlandırıb.