Qanuni professor

Filologiya professoru Andrey Pavloviç sakit və tənha bir həyat sürür. Xaraktercə zəif olan bu yaşlı kişi nə mənzilinə göz dikən kobud qonşusuna cavab verə bilir, nə də çoxdandır bəyəndiyi qadına sevgisini etiraf edir. O, artıq taleyi ilə barışdığı bir vaxtda təsadüfən Katya adlı gənc qadınla tanış olub onu evinə gətirir. Çox keçmədən məlum olur ki, Katya uzun müddətdir fahişəliklə məşğuldur və dərhal onların ardınca qapıda qadının himayəçisi peyda olur.

Eşiyə gələn bu adamın saldığı qalmaqal gözlənilmədən onun ölümü ilə nəticələnir. Andrey Pavloviç və Katya meyiti hara gizlədəcəklərini, həmçinin baş verənləri ölən şəxsin Dede ləqəbli quldur şərikinə necə izah edəcəklərini düşünməli olurlar. Katya çıxış yolu kimi professoru Türkiyədən gəlmiş təhlükəli mafiya başçısı kimi qələmə verməyi təklif edir. Beləliklə, sakit alim cinayətkar rolunu oynamağa məcbur qalır.

«Qanuni professor» adlı bu komediya filmi 2006-cı ildə Ukraynada istehsal olunub. Ekran əsərinin rejissoru Aleksey Lisovetsdir. Əsas rolları Olesya Jurakovskaya, Aleksey Tritenko, Mixail Kukuyuk və Anastasiya Başa canlandırıblar.