Qonşudakı qız

Devid Morqan xərçəng tutarkən qonşuluqda məskunlaşan on altı yaşlı Meqanla tanış olur. Yeniyetmə qız on yaşlı bacısı Syuzan ilə birlikdə xalaları Rut Çendlerin himayəsində yaşayır. Üç oğul böyüdən xanım Çendler evdə qəribə qaydalar qurub: uşaqlarına spirtli içki içməyə icazə verir və onlarla nalayiq söhbətlər aparır.

Yetim qalmış bacılar bu ailədə gündəlik zorakılıq və təhqirlərlə üzləşirlər. Dözümü tükənən Meqan baş verənlər barədə yerli şerifə xəbər vermək qərarına gəlir. Rut isə şikayətdən xəbər tutaraq qızı sərt şəkildə cəzalandırmaq üçün hərəkətə keçir.

ABŞ istehsalı olan «Qonşudakı qız» kriminal dram filmi 2007-ci ildə rejissor Qreqori Uilson tərəfindən çəkilib. Baş rolları Blanş Beyker, Maykl Nardella, Spenser Li və Bencamin Ross Kaplan canlandırıblar.