Le mac

Jilber Şapel bank sahəsində uğur qazanmış, sakit həyat sürən bir maliyyəçidir. Lakin polislərin qəfil gəlişi onun bütün qaydalarını pozur. Məlum olur ki, Jilberin cinayətkar aləmdə yaşayan və qadın alveri ilə məşğul olan əkiz qardaşı var.

Hüquq-mühafizə orqanları ona qeyri-adi bir təklif irəli sürürlər: qardaşının yerinə keçərək onun rolunu oynamaq. «Le mac» filmində sadə bank işçisindən təhlükəli cinayətkara çevrilmək üçün baş qəhrəmanın cəmi 36 saat vaxtı qalır.

Fransa istehsalı olan bu kriminal komediyanın rejissoru Paskal Burdyodur. 2009-cu ildə çəkilmiş ekran əsərində əsas rolları Fabris Mişel, Erik Defoss, Jan-Fransua Malet və Alen Fromaje canlandırıblar.