Böyük bəlalar

İçində qiymətli bir şey gizlənən sirli çanta bir-biri ilə heç bir əlaqəsi olmayan insanların diqqətini çəkir. Bu naməlum yük boşanmış bir kişinin, gənc sevgililərin, bir neçə dələduzun və muzdlu qatillərin sakit günlərini tamamilə qarışdırır.

Böyük qazanc əldə etmək istəyən digər qəhrəmanlarla yanaşı, iki FTB agenti də bu təhlükəli yarışa qoşulur. Çantanı ələ keçirmək naminə hər kəs öz həyatını riskə ataraq zəncirvari hadisələrin iştirakçısına çevrilir.

2001-ci ildə ABŞ-da istehsal olunmuş «Big Trouble» komediya trillerinin rejissoru Barri Sonnenfelddir. Ekran əsərində baş rolları Dennis Farina, Stenli Tuççi, Omar Epps və Conatan Kazdan canlandırıb.