Məzarlarınıza tüpürəcəyəm 3

Yazıçı Cennifer Hills ağır keçmişini arxada qoyaraq yeni başlanğıc etməyə çalışır. O, psixoloqa müraciət edir və zorakılıq qurbanları üçün təşkil olunan dəstək qrupuna qatılır. Cennifer burada ədalətin yalnız qisas yolu ilə bərpa olunduğunu düşünən fəal bir qadınla tanış olur. Onlar birlikdə qrup üzvlərindən olan yeniyetmə ögey qızını incidən kişini qorxutmaq qərarına gəlirlər.

Lakin hadisələr faciəvi şəkildə davam edir: Cenniferin yeni rəfiqəsi keçmiş sevgilisi tərəfindən zorlanaraq qətlə yetirilir. Bu hadisə qəhrəmanı yenidən keçmişin ağrıları ilə üz-üzə qoyur. «I Spit on Your Grave 3» filmi Cenniferin cinayətkarlara qarşı yenidən amansız mübarizəyə başlamasından bəhs edir.

ABŞ istehsalı olan bu cinayət trilleri 2015-ci ildə ekranlara çıxıb. Ekran əsərinin quruluşçu rejissoru Riçard Şenkmandır, əsas rolları isə Sara Batler, Loni Perrin, Kristofer Hoffman və Bobbi Rid canlandırıb.