Untamed Royals

Meksikanın varlı ailələrindən olan gənclər valideynlərinin gücü və sərvəti sayəsində hər şeydən cəzasız qurtula biləcəklərini düşünürlər. Həyəcan və əlavə gəlir axtarışında olan Xavyer və yaxın dostu Xerardo qanunsuz yollara əl atırlar. Onlar ilk addım olaraq öz ailə malikanələrinə qondarma silahlı basqın təşkil edib nağd pul və qiymətli əşyaları oğurlayırlar.

Bu işin çox asan başa gəldiyini görən dostlar bununla kifayətlənmək fikrində deyillər. Gənclər hər dəfə daha mürəkkəb, təhlükəli və riskli cinayət planları qurmağa başlayırlar.

2024-cü il istehsalı olan bu Meksika kriminal dram filminin rejissoru Umberto Inoxosa Oskarizdir. «Untamed Royals» ekran əsərində baş rolları Valentina Dreser, Allan Urbano, Itzel Quintal və Fernando Cattori canlandırıblar.