Gizli dinləmə

İqtisadi cinayətkarlıqla mübarizə şöbəsinin əməkdaşları Conni, Cin və Maks birja fırıldaqlarında şübhəli bilinən böyük bir şirkəti gizli şəkildə izləyirlər. Günlərlə davam edən dinləmələr zamanı onlar şirkət rəhbərinin katibəsi ilə söhbətini qeydə alırlar. Danışıqdan bəlli olur ki, sabah şirkətin səhmləri kəskin bahalaşacaq. Bu məlumatı qeydiyyata salmaq əvəzinə, polislər birjada qanunsuz gəlir əldə etmək qərarına gəlirlər.

Cin oğlunun təcili əməliyyat xərclərini ödəmək, Maks isə varlı ailədən olan nişanlısının qohumları qarşısında maddi müstəqillik qazanmaq üçün bu fürsətdən yapışır. Conni də komanda yoldaşlarına kömək edərək faktı gizlətməyə çalışır. Lakin birjada şübhəli əməliyyatlar dərhal diqqət çəkir, ticarət dayandırılır və polislərin özlərinə qarşı daxili təhqiqat başladılır.

«Gizli dinləmə» (Sit ting fung wan) trilleri 2009-cu ildə nümayiş olunub. Filmin rejissor kürsüsündə Feliks Çon və Alan Mak əyləşiblər. Honkonq, Çin və Sinqapur istehsalı olan layihədə əsas rolları Ben Yuen, Dominik Lam, Ceffri Vonq və Kuini Çu canlandırıblar.