Kokuhaku

Keysuke Asai və Ryu Ci-yon hələ universitet illərində, alpinizm klubunda məşq edərkən yaxın dost olublar. On altı il əvvəl dağa qalxarkən həyatını itirmiş rəfiqələrinin xatirəsini yad etmək məqsədilə yoldaşlar yenidən həmin zirvəyə üz tuturlar. Lakin dağda onları qəfil qar çovğunu yaxalayır.

Ci-yon ağır xəsarət alaraq hərəkət qabiliyyətini itirir və tezliklə öləcəyini zənn edir. Son anlarını yaşadığına inanan gənc, dostuna illər boyu gizlətdiyi sarsıdıcı sirri açır. Bu gözlənilməz etiraf hər iki yoldaşın münasibətini tamamilə başqa məcraya yönəldir.

Psixoloji dram və cinayət motivlərini birləşdirən «Kokuhaku» filmi 2024-cü ildə Yaponiyada istehsal olunub. Ekran əsərinin rejissoru Nobuhiro Yamaşitadır. Əsas rolları Toma İkuta, Yan İk-çun və Nao Honda paylaşıblar.