24 saat

Peşəkar qatil Feliks ona edilən ciddi xəbərdarlığa məhəl qoymayaraq gizli həmkarlar təşkilatından gələn bahalı sifarişi icra edir. Günün günorta çağı, insanların sıx olduğu məkanda neftçi kimi təqdim edilən hədəfi səssizcə aradan götürür. Lakin bu işin ardınca o anlayır ki, qadağa boş yerə qoyulmayıb və neftçinin qətli ona heç cür bağışlanmayacaq.

Feliksin təhlükəsiz yerə qaçması, sevdiyi qadının və qonorarın gözlədiyi uzaq isti adaya çatması üçün cəmi iyirmi dörd saat vaxtı var. Eyni zamanda Lyova Şalamov və qardaşı Qarrikə də Feliksi tapıb məhv etmək üçün elə həmin müddət verilir.

«24 saat» kriminal filmini rejissor Aleksandr Atanesyan çəkib. 2000-ci ildə Rusiya istehsalı olan layihənin baş rollarında Maksim Suxanov, Andrey Panin, Sergey Novikov və Mixail Kozakov çəkiliblər.