Artıq mərc yoxdur

Vəzifədə yüksəliş əldə edə bilməyən İT mütəxəssisi Pan Şen iş yerindən ayrılaraq Sinqapurda yaxşı qazanc vəd edən başqa bir təklifi qəbul edir. Təyyarədə gələcək həmkarları ilə tanış olur, lakin təyinat yerinə çatdıqda hər şey gözlənilməz istiqamət alır. Yol yoldaşlarından birinin xəyanəti nəticəsində qrupun pasportları əllərindən alınır, özləri isə başqa bir ölkəyə aparılaraq gizli onlayn kazinoda zorla işləməyə məcbur edilir.

Pan Şen burada krupier kimi çalışan fotomodel Anna Lyan ilə rastlaşır. Qız bu məkana öz istəyi ilə gəlsə də, tezliklə düşdüyü tələnin fərqinə varır və oradan qurtulmağın yollarını axtarır. İki gənc amansız cinayətkar şəbəkənin əlindən xilas olmaq üçün birgə çıxış yolu tapmağa çalışır.

«Artıq mərc yoxdur» (Gu zhu yi zhi) filmi 2023-cü ildə Çində çəkilib və rejissor Şen Aonun dramatik cinayət trilleridir. Ekran əsərində əsas rolları Can İsin, Cina Tszin, Sanni Sun və Van Çuantszün canlandırıb.