Markiz

Siqnalizasiya satıcısı Toma müştərinin evindən pul oğurlamağa cəhd etdiyi üçün altı aylıq həbs cəzası alır. Təhlükəli cinayətkarların əhatəsində salamat qalmaq istəyən məhbus özünü Markiz ləqəbli əfsanəvi seyf qıran kimi qələmə verir. Bu yalan sayəsində o, dəmir barmaqlıqlar arxasında dərhal böyük hörmət qazanır və rahat şəraitdə yaşayır.

Azadlığa çıxmağına cəmi bir həftə qalmış Tomaya həbsxana həyətindən qəfil basqın edən silahlı dəstə hücum edir və onu vertolyotla qaçırır. Gözlərini Filippinin paytaxtı Manilada açan qəhrəman qəddar quldurlarla üz-üzə qalır. Cinayətkarlar saxta ustaya ABŞ Federal Ehtiyat Sisteminin iki yüz milyon dollarını mühafizə altındakı ən müasir seyfdən oğurlamağı tapşırırlar. Canını qurtarmaq üçün Tomanın qarşısında yalnız iki çıxış yolu var: qaçmaq və ya bu çətin seyfi açmaq.

«Markiz» komediya filmi 2011-ci ildə Fransada lentə alınıb. Layihənin rejissoru Dominik Farruciyadır. Baş rolları Paskal Luanj, Rişar Berri, Semyuel Çaymoviç və Xalila Aqilus canlandırıb.