Avtostopçu

İki yaxın dost balıq tutub dincəlmək üçün Meksikaya, Kaliforniya körfəzinin sahillərinə tərəf yola düşür. Gecə vaxtı boş magistralda hərəkət edərkən yanacağı bitmiş bir avtomobilin sürücüsünü görüb ona kömək etmək qərarına gəlirlər.

Lakin maşına mindirdikləri bu naməlum şəxs heç də sadə bir sürücü deyil. Onların avtomobilinə əyləşən sərnişin ABŞ-ın qərb sahillərində axtarışda olan amansız qatil çıxır. Beləliklə, sakit başlayan istirahət səfəri silahlı caninin girovluğunda keçən dəhşətli sınağa çevrilir.

ABŞ istehsalı olan «Avtostopçu» («The Hitch-Hiker») kriminal triller filmi 1953-cü ildə rejissor Ayda Lupino tərəfindən ekranlaşdırılıb. Ekran əsərində baş rolları Edmond O'Brayen, Frenk Lavdcoy və Vilyam Telman canlandırıblar.