Dhokha: Round D Corner

Yatharth və Saançi cütlüyünün ailə həyatı dağılmaq ərəfəsindədir. Həyat yoldaşı işə yollandıqdan sonra qadının Mumbaydakı mənzilinə qaçqınlıqda olan terrorçu Haq Riaz Gül soxulur. Beləcə, evində tək qalan qadın qəfildən təhlükəli cinayətkarın girovuna çevrilir.

Polis komissarı Harişçandra Malikin rəhbərliyi ilə hüquq-mühafizə qüvvələri binanı tam mühasirəyə alır. Hadisə yerinə gələn Yatharth bildirir ki, arvadı psixi pozuntudan əziyyət çəkir və dərmanlarını içməsə, davranışı idarəolunmaz olur. Qapalı otaqda qalan Saançi isə terrorçunu inandırır ki, əri onu bilərəkdən zəhərləyir və dəli çıxarmağa çalışır.

Hindistan istehsalı olan «Dhokha: Round D Corner» trillerinin quruluşunu Kuki V. Qulati və Aşvin Nil Mani verib. 2022-ci ilin cinayət dramında əsas rolları Madhavan, Khushali Kumar, Taufique Shersha və Vijay Raaz canlandırır.