İlbis

Rey Metyus adlı istedadlı pianoçu əslində görür, lakin musiqidə ilham tapmaq və bəzi rahatlıqlar əldə etmək üçün özünü kor kimi qələmə verir. Təsadüfən tanış olduğu Anna ona atasının restoranında iş tapmağa kömək edir. Çox keçmədən keçmiş kino ulduzu Uday Kumar musiqiçini bəyənir və evlilik ildönümündə arvadı Simiyə sürpriz etmək üçün onu evinə çağırır.

Özəl ifa üçün mənzilə gələn Rey gözlənilmədən ev sahibinin qətlə yetirilməsinə şahid olur. Canını qurtarmaq istəyən pianoçu qatillərin gözü qarşısında heç nə görmürmüş kimi davranmağa davam etmək məcburiyyətində qalır.

«Bhramam» adlı bu Hindistan istehsalı kriminal triller 2021-ci ildə Ravi K. Çandran tərəfindən çəkilib. Baş rollarda Pritxvirac Sukumaran, Mamta Mohandas, Unni Mukundan və Raşi Xanna çıxış edirlər.