Çiçəklər müharibəsi

Peşəkar fırıldaqçılar tərəfindən kart oyununda aldadılan Qo-ni bütün pullarını və yığımlarını itirir. İtirdiklərini geri qaytarmaq istəyən gənc ölkənin ən bacarıqlı qumarbazlarından sayılan cənab Phyondan bu işin sirlərini öyrənməyə başlayır. Ustalığa yiyələndikdən sonra o, yeni oyunlar axtarışında müxtəlif şəhərləri gəzir.

Qo-ninin şöhrəti getdikcə qumar mühitində yayılır və o, tanınan simaya çevrilir. Gizli qumarxanaları idarə edən Madam Conun da diqqəti ona yönəlir. Qadının iş birliyi təklifini qəbul edən Qo-ni onunla birlikdə fəaliyyət göstərməyə başlayır.

«Tazza» adlı Cənubi Koreya istehsalı olan kriminal dram filmi 2006-cı ildə ekranlara çıxıb. Rejissoru Çhve Don-hun olan layihədə baş rolları Co Sın-u, Pək Yun-şik, Kim He-su və Yu He-cin canlandırıb.