Light

Uşaqlığı qəddar ögey ata ilə keçən Layt dolanışığını təmin etmək üçün çətin bir yola əl ataraq seks sənayesində işləməyə məcbur qalır. Günlərin bir günü narazı müştəri ilə qarşılaşma gəncin kimsəsiz dalanda döyülməsi ilə nəticələnir. Ağır xəsarət alan Laytı yaxınlıqdakı dərzi sexində çalışan Şo adlı bir kişi xilas edərək evinə gətirir.

Bu gözlənilməz hadisə iki yad insanı bir-birinə yaxınlaşdırsa da, Şo əsl kimliyini gizlədir. O, sadə bir işçi deyil, narkokartelə qarşı gizli əməliyyat aparan polis müstəntiqidir. Bir-birini getdikcə daha yaxından tanıyan qəhrəmanların taleyi təhlükəli sirlər fonunda kəsişir.

«Light» adlı qısametrajlı kriminal melodram filmi 2021-ci ildə Tayvanda istehsal olunub. Ekran işinin rejissoru Adiamond Leedir, əsas rolları isə Jed Chung, Max Liu, Din Nin və Neville Sun canlandırıb.