Cəsusun arvadı

Hadisələr 1940-cı ildə cərəyan edir. Kobedə ticarət şirkətini idarə edən Yusaku ezamiyyətlə Mancuriyaya yollanır. Bu səfər zamanı o, dövlət tərəfindən gizlədilən dəhşətli bir sirrin üstünü açır. Ədaləti bərpa etmək istəyən tacir öyrəndiyi bu həqiqəti bütün dünyaya bəyan etməyi qərara alır.

Bu addım onun vətənində xain elan edilməsinə səbəb olur. Həyat yoldaşı Satoko isə ona tamamilə inanır və ərindən üz döndərmir. Qadın, qarşıda onları hansı təhlükələrin gözləməsindən asılı olmayaraq, sona qədər Yusakunun yanında qalacağına söz verir.

«Spy no Tsuma» adlı tarixi dram filmi rejissor Kiyoshi Kurosawa tərəfindən çəkilib. 2020-ci ildə Yaponiyada istehsal olunmuş layihənin baş rollarında Yu Aoi, Issey Takahashi, Masahiro Higashide və Ryota Bando çəkiliblər.