Polvo

El Çato ləqəbli bir kişi Amerika arzusunun ardınca getdikdən on il sonra, 1982-ci ildə doğma kəndi San-İqnasiona qayıdır. Onun qayıdışına səbəb kəndin üzərində baş verən gözlənilməz hadisə olur: narkokartelə məxsus təyyarə təsadüfən bütün kokain yükünü bu ucqar əraziyə səpələyir.

Tixuana mafiyası itirilmiş malı tapıb geri gətirməyi Çatoya tapşırır, əks halda yerli sakinləri cəzalandırmaqla hədələyir. Qəhrəman kənd camaatını təşvişə salmadan bağlamaları axtarmağa məcbur olur, lakin eyni zamanda ailəsi, keçmiş sevgilisi və buraxıb getdiyi xatirələrlə üz-üzə qalır.

«Polvo» kriminal komediya filminin rejissoru Xose Mariya Yaspikdir və o, həm də baş rolu canlandırıb. 2019-cu il Meksika istehsalı olan layihədə Mariana Trevinyo, Adrian Vaskes və Karlos Valensia da rol alıblar.