Psixo

Koymbator şəhərində və ətrafında bir neçə ildir ki, gənc qızları qətlə yetirərək başlarını kəsən qaniçən bir cani dolaşır. Qurbanlarının cəsədlərini nümayişkaranə şəkildə qoyan qatilin arxasınca düşən polis heç bir ipucu tapa bilmir. Eyni zamanda Qautam adlı gözdən əlil bir gənc məşhur radio aparıcısı Dahiniyə olan sevgisini etiraf etməyə çalışır. Qız nəhayət görüş təklifini qəbul edir və görüşəcəkləri məkanı canlı yayımda ipucu ilə bildirir.

Təyin olunan məkana hər kəsdən əvvəl həmin qatil gəlir və Dahinini qaçırır, lakin onu dərhal öldürmür. Qautamın sevdiyi qadını qəddar manyakın caynağından xilas etmək üçün cəmi yeddi gün vaxtı var.

«Psixo» cinayət trilleri 2020-ci ildə Hindistanda çəkilib. Ekran əsərinin rejissoru Mişkindir, əsas rolları isə Udhayanidhi Stalin, Nitya Menen, Aditi Rao Hidari və Rem canlandırıblar.