Acusada

Tələbə Dolores Drierin sakit həyatı ən yaxın rəfiqəsinin qəddarlıqla qətlə yetirilməsindən sonra darmadağın olur. İki il davam edən istintaqın nəticəsində əsas və yeganə şübhəli şəxs qismində məhz Dolores irəli sürülür. Hadisə bütün ölkədə geniş rezonans doğurur və hər kəs qızın günahkar olub-olmaması barədə öz mülahizələrini yürütməyə başlayır.

Məhkəmə prosesi yaxınlaşdıqca gərginlik və ictimaiyyətin təzyiqi daha da güclənir. Ailəsi gənc qıza hər vəchlə dayaq olmağa və onu qorumağa çalışsa da, Doloresin özü faciə günü baş verənlərlə bağlı tərəddüdlər yaşamağa başlayır.

«Acusada» filmi 2018-ci ildə Argentina və Meksika kinematoqrafçılarının birgə istehsalı ilə çəkilib və rejissoru Qonsalo Tobaldır. Əsas rolları Lali Esposito, Leonardo Sbaralya, İnes Esteves və Daniel Faneqo canlandırıblar.