İlahə

Alkoqol asılılığı ilə mübarizə aparan rejissor Arulun peşəkar karyerası gözləri önündə məhv olur. Çəkilən filmin prodüserlə yaşanan münaqişə səbəbindən ekranlara çıxarılmaması ailədaxili gərginliyi daha da dərinləşdirir. Onun yanında isə yalnız iki nəfər qalır: kiçik qardaşı Ceqan və yaxın dostu Maykl.

Maddi çıxılmazlıqdan qurtulmaq və filmi xilas etmək istəyən bu üç kişi qanundankənar yola əl atır. Lakin onlar cinayətə qurşanarkən atdıqları riskli addımların yaxınlıqlarındakı qadınların həyatına necə sarsıdıcı təsir göstərəcəyini qətiyyən hesaba qatmırlar.

Hindistan istehsalı olan «İlahə» (Iraivi) filmi cinayət və dram janrlarında 2016-cı ildə lentə alınıb. Layihənin rejissoru Kartik Subbaracdır, əsas rolları isə S. C. Surya, Vicay Setupati, Bobbi Simha və Ancali canlandırıblar.