Simran

Atlantanın yaxınlığında mühafizəkar ailəsi ilə birgə yaşayan otuz yaşlı Praful Patel təmizlikçi işləyərək ayrıca mənzil almaq üçün pul toplayır. Boşandıqdan sonra müstəqil həyat qurmağı arzulayan qadının bütün planları qohumunun Las-Veqasdakı subaylıq məclisinə getməsi ilə pozulur. Kazinoda qumar masasına əyləşən Praful illərlə yığdığı bütün vəsaiti uduzur.

İtirdiklərini geri qaytarmaq məqsədilə təhlükəli bir sələmçidən böyük məbləğdə borc götürsə də, növbəti cəhd də məğlubiyyətlə bitir. Borcunu ödəmək imkanı qalmayan və ciddi təhdidlərlə üzləşən Praful vəziyyətdən çıxmaq üçün cinayət törətmək qərarına gəlir.

Cinayət və dram janrında çəkilmiş «Simran» filmi 2017-ci ildə Hindistanda istehsal olunub. Ekran əsərinin rejissoru Hansal Mehtadır, baş rolları isə Kanqana Ranaut, Soham Şah, Eşa Tevari və Ceyson Loder canlandırıb.